Вечерва, со почеток во 20:00 часот на Градскиот плоштад во Крива Паланка, ќе имате можност да го проследите концертот на  македонските музички звездите од познатиот музички проект „Македонијо во срце те носиме“ – 12 македонски патриотски песни во изведба на 12 познати македонски изведувачи, со нови современи аражмани од композиторот Николче Мицевски, на “Скендеровски продукција”.

Кривопаланчани ќе можат да уживаат во македонските музички бисери од доајените на македонската народна музика во интерпретација на: Сузана Спасовска, Наум Петревски, Зуица Лазова, Миле Кузмановски, „ДНК“, Огнен Здравковски, Александар Тарабунов, Андријана Јаневска, Мина Блажев, Марија Спасовска, Ламбе Алабаковски, Бојана Скендеровски.

 

Следува извонредна музичка вечер на “Кривопаланечко културно лето” и “Крива Паланка – Град на културата” со преработките на: „Налеј, налеј“, „Заветна“, „Земјо македонска“, „Народе македонски“, „Послушајте патриоти“, „Ој Вардаре македонски“ и многу други што според Скендеровски, ја прегрнуваат Македонија со најубавите звуци – аманет од генерациите пред нас.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.