Филмот „Тага“ на Тина Величковиќ е во селекција за најдобар студентски краток филм на Silver Frame Film Fest во Сребреница кој се одржува на 15,16 и17 јули.

„Тага“ е студенстки филм во режија на Тина Величковиќ, на кој директор на фотографија е Димитар Атанасовски а дел од екипата се Горјан Атанасов, Марко Рикалоски, Стефан Ѓорѓиев, Филип Трајковиќ, Ивица Димитријевиќ, Стефан Николовски, Филип Христовски, Александар Микиќ и Ања Митиќ.

Филмот, заедно со уште пет други кратки филма е номиниран во категоријата Регионалната натпреварувачка програма за студентски краток филм.

Средовечен маж, заглавен на работа за време на финансиски проблеми, не може да најде со кого да разговара. Постојано е опкружен со случајни луѓе, но никој не е подготвен да го слуша. Поради тоа се фрустрира, а кулминацијата на неговата фрустрација ја уништува единствената шанса што ја добива да разговара со некого.

Филмскиот фестивал Silver Frame со гордост ја најави својата соработка со неколку престижни регионални филмски школи. Како дел од натпреварувачката програма, во оваа програма ќе бидат прикажани шест кратки филмови од нови автори. Овие филмови ја претставуваат најсовремената работа на талентирани студенти од: Академија за изведувачки уметности (АСУ), Сараево, Босна и Херцеговина, Факултет за драмски уметности, Белград, Србија, Факултет за драмски уметности, Цетиње, Црна Гора, Академија за драмска уметност, Универзитет во Загреб, Хрватска, ФДУ – Факултет за драмски уметности, Скопје, Македонија и Академија за театар, радио, филм и телевизија (AGRFT), Универзитет во Љубљана, Словенија.

Овие соработки ја истакнуваат нашата посветеност за поддршка и негување на нови гласови во киното. Натпреварот ќе прикаже разновиден опсег на перспективи и стилови, нудејќи им на публиката поглед во иднината на филмот низ очите на неговите најперспективни млади режисери, велат од Silver Frame.

Овој дел фестивалот е куриран од Адо Хасановиќ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.