Еден од најочекуваните филмски наслови за оваа година, „Мегалополис“ од реномираниот режисер Френсис Форд Копола, на 26 септември пристигнува во светската кино-дистрибуција, а македонската публика ќе има можност да го погледне овој научно-фантастичен спектакл во истиот ден!

Оваа епска римска приказна сместена во надреална модерна Америка, во која се испреплетуваат љубов, амбиции и политички конфликти, веќе привлече огромно внимание откако премиерно беше прикажана на Канскиот филмски фестивал. Номинацијата за главната награда, Златната палма, само го засили интересот на светската јавност за ова дело.

„Мегалополис“ – судир на визии и идеали

Приказната се врти околу градот Нов Рим, кој е на крстопат. Цезар Катилин, уметник со визија за утопистичка иднина, влегува во конфликт со градоначалникот Френклин Цицерон, чија идеја е одржување на личните интереси и похлепа. Сè комплицира присуството на Јулија Цицеро, ќерката на градоначалникот, која е вљубена во Цезар, а нејзината лојалност е раздерена меѓу двајцата.

Ѕвездената екипа

Покрај Кополиното визионерско режисирање, филмот може да се пофали со импресивна актерска постава. Адам Драјвер, Џанкарло Еспозито, Натали Емануел, Обри Плаза, Шаја Лабаф, Џон Војт и Лоренс Фишбурн ги носат ликовите на големото платно на начин што ќе ве фасцинира. Публиката ќе може да ужива во комплексната динамика меѓу ликовите, прикажана со емоционална длабочина и визуелна грандиозност.

Гледајте го „Мегалополис“ во македонските кина

„Мегалополис“ ќе се прикажува во неколку кино-сали низ Македонија:

  • Кино Cineplexx
  • Киноверзум Скопје
  • Киноверзум Штип
  • Киноверзум Велес
  • Киноверзум Битола
  • Кинотеката на Република Македонија од 1 октомври.

Премиера

Датум на премиера: 26 септември 2023
Времетраење: 138 минути
Жанр: Научна фантастика, драма
Категоризација: Четврта категорија

Не ја пропуштајте можноста да бидете дел од ова визуелно патување што ги отвора прашањата за човековата иднина и општествените промени! „Мегалополис“ пристигнува во кината заедно со новиот трејлер кој веќе стана глобален хит – филмот за кој сите зборуваат!

Комерцијален текст



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.