Уште 9 пациенти се лекуваат во болниците во Скопје, 78 во странство, тројца се критични

Од 193 повредени пациенти во пожарот кој се случи на 16 март во дискотеката „Пулс“ која работела со фалсификувана лиценца остануваат 78 да се лекуваат во странките медицински центри. Од нив 14 се лекуваат во државата и 5 ќе бидат испишани, и се во добра стабилна состојба. Девет остануваат да се лекуваатво болнивите во Скопје, изјави денеска министерот за здравство Арбен Таравари.

Денеска се враќаат 6 нови пациенти коишто се подобри и во стабилна состојба, 2 од Бугарија, 2 од Шпанија и 2 пациента од Унгарија кои се добри и стабилни, но ќе се лекуваат уште еден ден по протоколите, 24 часа ќе престојуваат во нашите болници од кај што биле испратени. А 69 паќиенти остануваат надвор од државата, потенцира Таравари.

-Има три кринични, но состојбата е многу критична, но да се надеваме дека ќе биде добро, изјави Таравари.

Министерот за здравство со огромно жалење информираше дека еден од 116-те пациенти што беа испратени на лекување во странство Александар Карадакоски, починал во Литванија. Тој според министерот бил најтешкиот пациент кому му откажало функционирањето и на бубрезите. Пред да почине бил ставен на дијализа а имал изгореници од втор и трет степен на 36 проценти од телото.

Во катастрофалниот пожар кој ја зафати дискотеката Пулс во Кочани на 16 март годинава загинаа 60 млади луѓе, а околу 200 се повредени.