Македонски
Унгарската полиција денеска објави дека ги истражува заканите за бомби добиени во повеќе од 240 училишта ширум земјата, од кои на некои наставата е откажана.
Заканите упатени во електронска пошта биле со ист текст и најверојатно испратени од исто лице, се објаснува во полициското соопштение. Нејзините вработени ги посетија сите училишта споменати во заканите.
Во ниту една од проверените згради не се пронајдени бомби или експлозивни направи, соопшти полицијата.
Шефот на кабинетот на унгарскиот премиер Виктор Орбан, Гергеј Гујаш денеска изјави дека „образовниот процес во повеќето училишта во земјата се одвива без проблеми“ и дека секоја училишна управа може да избере дали ќе има настава.
Гујаш рече дека денеска премиерот Орбан имал повеќе консултации за случајот со министерот за внатрешни работи и со министерот без ресор одговорен за разузнавачките служби.
-Имејлите беа испратени од многу електронски пошти, „вклучувајќи и странски“, додаде тој.
Гујаш истакна дека унгарските тајни служби стапиле во контакт со своите колеги во соседна Словачка, каде минатата година имаше слична серија закани.
