Македонски
@zdenko_zdepe_petrovski
Нов музички проект на македонската сцена, „Од Пр’ва“, ќе го одржи својот прв концерт на 28 април во скопскиот клуб „Лабораториум“.
Станува збор за рок-фузија состав во кој членуваат Ѓокица Зафировски (гитара и вокал), Михаил Парушев (тапани) и Ѓоле Максимовски (бас).
Бендот најавува енергичен настап со авторска музика и ново видување на материјалот од албумот „Вселена“, надополнет со дел од познатите песни од периодот на „Suns“. Организаторите најавуваат дека публиката ќе има можност да слушне комбинација од рок, панк и гранџ, во нова, зрела форма.
Концертот ќе започне во 20 часот, а влезниците ќе се продаваат на врата.
