Нефролозите со порака: Нефрологијата е клучна во здравствената грижа на пациентите во нашата држава

“Гломеруларни болести: Глобална тивка епидемија и хронична бубрежна болест” е темата на која денес се одржа стручна едукативна секција на Медицинскиот факултет во Скопје, а во организација од Македонското здружение на нефрологија при Македонско лекарско друштво.

Воведен збор на дискусијата имаше вонреден професор Павлина Џекова. Џекова се заблагодари на сите учесници и чинители во македонската нефрологија и им посака успешна и плодна работа.

Професор доктор  Ѓулшен Селим, претседателот на Здружението исто така ги поздрави сегашните, минатите и идните нефролози.

Според специјалистите од оваа област ова претставува само еден почеток за тоа што следи во наредниот период, а во насока на втемелување на важноста од нефрологијата во здравствената грижа на пациентите во нашата држава.