Македонски
Турција почна проект за изградба на космодром во Сомалија. Претседателот на оваа африканската земја, Хасан Шеик Махмуд, истакна дека овој проект ќе помогне да се отворат работни места и да се зголеми државниот буџет.
Изградбата на космодромот се проценува на 6 милијарди долари. Исто така, Обединетите Арапски Емирати може да бидат еден од инвеститорите.
Географската локација на Сомалија е идеална за тестирање на балистички ракети и изградба на космодром
Јас лично верувам дека важноста од воспоставување локација за лансирање на турските сателити во Сомалија е уште поголема од милијардите долари и можностите што ќе ги донесе овој проект“, изјави сомалискиот претседател.
Турција е една од ретките странски сили што ги зајакнува врските со Сомалија. Во текот на изминатата деценија, Турција го прошири своето влијание во земјата преку соработка во различни области и инфраструктурни проекти. Таа е вклучена и во посредување меѓу владата во главниот град Могадишу и лидерите на полуавтономниот регион, Сомалиленд.
Покрај тоа, Турција влијаеше за помирување меѓу Етиопија и Сомалија. Истовремено, Турција поседува воена база во Сомалија, како и право да истражува и експлоатира нафта и гас во територијалните води на Сомалија во замена за воена заштита.
