Македонски
Висината на брановите од цунамито во рускиот тихоокеански град Северо-Курилск надмина три метри, а најсилниот достигна дури пет метри, објавија службите за итни случаи.
Во Севернокурилскиот округ во Сахалинскиот регион на Русија е прогласена вонредна состојба поради земјотресот и цунамито, објави регионалната влада.
Земјотрес со магнитуда од 8,8 степени според Рихтеровата скала се случи рано утрово покрај брегот на Камчатка, што е најсилниот земјотрес во тој регион од 1952 година, пренесува Риа Новости.
Потреси од силен земјотрес беа почувствувани во 47 населени места во регионот Камчатка и Сахалин, изјави претставник на службите за итни случаи за агенцијата.
Северо-Курилск, град во регионот Сахалин беше делумно поплавен по земјотресот и последователното цунами.
По земјотресот во Камчатка, немаше сериозни повреди или жртви, изјави гувернерот на регионот Камчатка, Владимир Солодов.
Локалниот Оддел за хидрометеорологија и мониторинг на животната средина претходно регистрираше цунами бран висок до четири метри во регионот. Третиот, најмоќниот бран на цунамито, ги откорна бродовите од нивните пристаништа во пристаништето, кое беше поплавено, како и локалното рибарско претпријатие.
Предупредување за цунами е издадено за речиси целиот источен брег на Јапонија, Индонезија и Филипините, како и на Хаваи, каде што цунамито веќе пристигна, и во неколку американски држави на западниот брег.
