Македонски
Поранешниот шеф на надворешната политика на ЕУ, Жозеп Борел, тврди дека Израел врши геноцид во Газа.
Борел ја нарече израелската војна „најголемата операција на етничко чистење од крајот на Втората светска војна“.
Зборувајќи во Шпанијa, примајќи ја Европската награда Чарлс петти, Борел ги осуди постапките на Израел и ги опиша неговите намери како претворање на Газа во „одлична туристичка дестинација откако ќе се исчистат сите милиони тони урнатини… и кога Палестинците ќе умрат или ќе си заминат“.
Тој ја опиша реториката на израелските лидери како „јасни декларации за геноцидна намера“.
Ретко сум слушнал лидер на држава толку јасно да изложи план што одговара на законската дефиниција за геноцид“, изјави Борел.
Тој ги критикуваше САД и Европа за нивното соучество, наведувајќи дека „половина од бомбите што паѓаат врз Газа се испорачани од Американците“, што го оневозможува Вашингтон да тврди дека е неутрален.
Ништо не влегуваше во Газа. Ништо: ни вода, ни храна, ни струја, ни гориво, ни медицински услуги“, рече тој, додавајќи дека „три пати повеќе експлозивна моќ беше фрлена врз Газа отколку што беше употребена во бомбата во Хирошима“.
Што се однесува до Европа, тој изјави дека таа „има капацитет и средства не само да протестира… туку и да влијае на однесувањето [на Израел]. Но, не го прави тоа“.
