Годишна изложба на Друштвото на ликовни уметници од Битола, наградата „Борислав Траиковски“ за Синиша Кашавелски

Друштвото на ликовни уметници (ДЛУБ)-Битола ја промовира традиционалната годишна изложба на која оваа година учествуваат 35 уметници и еден гостин уметник, Александар Сотировски.

Со свои дела учествуваат уметниците Симеон Силјановски, Роберт Михајловски, Драган Најденовски, Слободан Рајчевски, Ване Костуранов, Вангел Срнаков, Синиша Кашавелски, Владимир Илиевски, Владимир Младеноски, Стефан Анчевски, Маријан Котевски, Тони Попов, Татјана Манева, Филип Јовески, Бојана Артиновска, Симона Мирчевска, Дијана Колонџоска, Димитри Балојани, Мирјана Бубевска, Маја Танева, Петар Кирановски, Александар М. Поповски, Ѓорѓи Зајаковски, Душан Шешиќ, Златко Крстевски, Бојана Тошевска, Валентина Илијевска, Дејан Макаријовски, Љупка Галазка-Василев, Билјана Толевска Наумовска, Николче Српчански, Динко Ненов и Виктор Лозанов.

Според востановената традиција, на годишната изложба се доделува наградата „Борислав Траиковски“, а оваа година претседателката на ДЛУБ, ликовниот уметник Нела Петровска ја врачи на ликовниот уметник Синиша Кашавелски.

Изложбата на слики, дигитални графики и скулптури е поставена во битолскиот културен центар „Магаза“.