Норвешка го обезбеди првото место во групата и избори полуфинале на Европското првенство за ракометарки

Ракометарките на Норвешка во Виена ја победија Германија со 32:27 и го потврдија првото место во Групата 2 на Европското првенство 2024.

Норвежанките со максимални осум бодови изборија полуфинале.

Претходно, во првиот денешен дуел на ЕП 2024 Швајцарија загуби од Холандија со 29:37.

Вечерва од 20:30 часот ќе се соочат Данска и Словенија.

Полуфиналисти од Групата 1 се Унгарија како првопласирана и Франција од втората позиција.

Вториот полуфиналист од Групата 2 ќе биде познат по завршувањето на вечерашниот натпревар.