Верстапен ја освои пол-позицијата во Мајами

Facebook Max Verstappen

Светскиот шампион во Формула 1, Макс Верстапен, ја освои својата трета пол-позиција оваа сезона, откако беше најбрз во квалификациите за Големата награда на Мајами.

Ова е 43. пол позиција во кариерата на возачот на Ред Бул, а втора на патеката во Флорида.

Друштво на Холанѓанецот во првиот ред од стартната линија на неделната трка ќе му прават Ландо Норис од Мекларен, додека третото место му припадна на младиот Италијанец Андреа Кими Антонели од Мерцедес.