Македонски
Турскиот фудбалер на Интер, Хакан Чалханоглу (Манхајм, Германија, 1994 година) втор пат во својата кариера, има шанса да стави крај на едно од најголемите проклетства во историјата на Лигата на шампионите.
„Турција е земјата со највисока позиција на ранг-листата на УЕФА (10-та) која никогаш немала играч кој настпил во финалето за екипата освојувач на Лигата на шампионите или Купот на шампионите “, објави УЕФА на својата веб-страница.
Таа серија можеше д биде прекината лани, но Арда Ѓулер не влезе во игра во победата на Реал Мадрид со 2:0 против Борусија Дортмунд во финалето на Вембли во финалето. Неговиот сонародник, Салих Озџан, кој игра за Борусија Дортмунд, не се најде на теренот. Така беше и со Арда Туран, кој го пропушти поразот на Атлетико од Реал Мадрид во финалето во 2014 година поради повреда.
Вкупно 617 играчи од 52 различни земји играле во финале на Лигата на шампионите. Само четворица од нив се Турци: Јилдирај Баштурк (Леверкузен, 2002), Хамит Алтинтоп (Баерн, 2010), Нури Шахин (Дортмунд, 2013) и Хакан Чалханоглу (Интер, 2023).
Чалханоглу, кој со Интер загуби од Манчестер сити во 2023 година, е уверен дека овојпат ќе стави крај на оваа црна статистика.
Доживеав многу емоции во Истанбул. Тоа беше првото финале на Лигата на шампионите во мојата кариера и научив многу од тоа искуство. Овој пат се надевам дека ќе направам многу работи подобро и поинаку. По финалето во 2023 година против Сити, имавме време да се подобриме. Стекнавме искуство. Мислам дека многу пораснавме како тим“, призна Чалханоглу за „Скај Спортс“.
Други земји коишто може да се запишат во историјата
Чалханоглу може да ја „спаси честа на Турција“, но има уште шест земји, вклучувајќи ги Интер и ПСЖ, кои би можеле за првпат да се пофалат со финалист кој играл и го кренал пехарот од Лигата на шампионите: Албанија (Кристијан Аслани), Ерменија (Хенрих Мхитарјан), Иран (Мехди Тареми), Мароко (Ашраф Хакими), Еквадор (Вилијан Пачо) и Јужна Кореја (Канг-ин Ли).
Земји со најмногу играчи кои играле и победиле во финале на Лигата на шампионите:
Шпанија —> 79
Италија —> 73
Англија —> 70
Германија —> 64
Холандија —> 52
Португалија —> 42
Бразил —> 40
Франција —> 33
Шкотска —> 26
Романија —> 14
