Македонски
Агенцијата за филм на Република Македонија ја информираше јавноста дека Владата на Република Македонија на својата последна седница wза нов вршител на должноста директор на Агенцијата за филм го именуваше м-р Сашко Мицевски (авторско име Сашко Потер Мицевски), филмски и ТВ монтажер и дизајнер на звук.
Мицевски студирал филмска и ТВ монтажа на Факултетот за драмски уметности во Скопје, а во 2015 година, како добитник на стипендија од Министерството за образование и наука, заминува на постдипломски студии на престижната National Film and Television School во Англија, каде учи од етаблирани професионалци како Graham V. Hartstone („Blade Runner“, „Aliens“), Andy Kennedy („The Crown“, „Game of Thrones“, „Harry Potter“), и Roger Deakins („Sicario“, „Skyfall“, „1917“) и работи на филмови прикажани на реномирани меѓународни фестивали.
Неговото професионално искуство опфаќа работа во Англија на проекти за BBC и филмови во продукција на Pinewood Studios („Sherlock Gnomes“, „Mowgli“, „Fantastic Beasts: The Crimes of Grindelwald“ и „Birdbox“), како и авторски ангажмани во пост-продукција на македонски аудиовизуелни дела, меѓу кои и ТВ сериите „Преспав“ и „Куќен притвор“.
Добитник е на бројни награди, меѓу кои награда од Royal Television Society и номинација за Daytime Emmy.
Во 2020 година, со сопствени средства го возобновува тонското студио на НУФЦ „Вардар филм“, а од истата година е и член на Филмскиот совет на Агенцијата за филм.
Со ова именување, Агенцијата за филм продолжува со заложбите за унапредување на македонската кинематографија, транспарентна и инклузивна филмска политика и поддршка на креативните автори и продуценти во земјата, велат од Агенција за филм на Република Македонија
