Долгометражниот филм „Shame and Money“ на режисерот Висар Морина избран во официјалната селекција на фестивалот Санденс, „List Production“ е копродуцент од Македонија

Долгометражниот филм „Shame and Money“ на режисерот Висар Морина е избран во Официјалната селекција на Sundance Film Festival 2026, во категоријата World Dramatic Competition. Светската премиера ќе се одржи на 25 јануари 2026, соопштија од Агенција за филм.

Филмот е ко-продукција на продукциски компании од Германија, Косово, Словенија, Македонија (List Production) и Албанија.

Напишан и режиран од Висар Морина, а ко-сценаристи се Дорунтина Башa и Марија Димитрова, која воедно е и продуцент од Македонија.

Поддржано од: Комесаријат за култура и медиуми (Германија), Косовски кинематографски центар, Eurimages – Совет на Европа, Германски федерален филмски фонд, Film- und Medienstiftung NRW, Словенечки филмски центар, Национален центар за кинематографија Албанија, Агенцијата за филм на Република Македонија, како и преку белгискиот Tax Shelter програм.

Фестивалот ќе се одржи 22 јануари – 1 февруари 2026 во Парк Сити и Солт Лејк Сити (САД).

Горди сме што Македонија повторно е дел од овој значаен фестивал, велат од Агенција за филм.