Македонските музички ѕвезди ќе пеат во чест на легендарниот Гоце Арнаудов

На 4 декември 2024 година, во Домот на културата „Антон Панов” во Струмица, со почеток во 19:00 часот, ќе се одржи Tribute концерт за струмичката и македонска музичка легенда Гоце Арнаудов. Со нотите од неговите мелодии, ќе се присетиме на најголемите хитови испеани од златното грло на “македонскиот Мик Џегер”. Повелете на концерт во негова чест да оддадеме почит кон неговиот лик и дела, кои несомнено беа огромни за македонското музичко поднебје. На концертот ќе настапат најголемите музички имиња, негови колеги и почитувачи, како од народната, така и од забавната музичка сцена кои ќе пеат во негова чест!

Настапуваат:
Ламбе Алабаковски, Јоце Панов, Миле Кузмановски, Елена Велевска, Александар Тарабунов, Маритинијан Кириловски, Кристина Арнаудова, Александра Јанева, Ленче и Горан Кукиќ, Огнен Здравковски, Борис и Билјана Димови, Бока Конга & Боби Сакс, Јовче Пандев и градскиот хор на Струмица “Распеани Струмичани”.

Водител: Миро Кацаров

Влезниците можете да ги набавите на билетара на Дом на култура (секој работен ден од 08:00 до 15:00) по цена од 350 денари.

Дел од собраните средства ќе бидат донирани во “Фондација Арнаудов”, со што концертот има хуманитарна нота.