Најмногу дожд во Крива Паланка, најстудено на Попова Шапка

Најмногу дожд изминатите 24 часа наврна во Крива Паланка – 39 литри на метар квадратен и Виница – 26 литри на метар квадратен, а најмалку во Лазарополе – 4 и Маврови Анови – 1 литар на метар квадратен.

Утрово најстудено е во Попова Шапка каде се измерени -3 степени целзиусови, а најтопло во Гевгелија со измерени 8 степени целзиусови.

Висината на снежната покривка во 7 часот на Попова Шапка изнесувала 31 сантиметар и Маврови Анови 2 сантиметри.

Денеска ќе биде претежно облачно, во источните делови со повремен локален дожд во пониските, дожд и снег на повисоките места, а на планините слаб снег. Попладне во западните делови облачноста ќе се намали. Ќе дува слаб до умерен, а долж Повардарието повремено засилен ветер од северозападен правец. Максималната температура ќе биде во интервал од 9 до 12 степени.

Во Скопје ќе биде претежно облачно со повремени врнежи од дожд. Ќе дува слаб ветер од променлив правец. Максималната температура ќе достигне до 10 степени.