Македонски
Новогодишната ноќ носи многу симболика – велат дека како ќе ја дочекаш годината, така ќе ти тргне. Без разлика дали верувате во тоа или не, некои работи навистина е подобро да ги оставите во старата година.
Не влегувајте во кавги и расправии
Дури и најмалата караница може да ја расипе вечерта. Новата година не е време за докажување кој е во право, туку за простување и смирување на тензиите.
Не ја поминувајте вечерта со лутина и незадоволство
Ако нешто ве мачи, запишете го на лист хартија и симболично оставете го зад себе. Во новата година влезете со полесна глава, не со товар од старата.
Не претерувајте со храна и пијалаци
Празничната трпеза е примамлива, но умереноста е клучна. Наместо да започнете со тежина во телото, започнете со чувство на пријатност и рамнотежа.
Не зборувајте само за проблеми
Новогодишната ноќ не е момент за анализи на тешки теми. Зачувајте ги за подоцна, а вечерта наполнете ја со смеа, планови и убави желби.
Не ја поминувајте ноќта гледајќи во телефонот
Социјалните мрежи можат да почекаат. Луѓето околу вас и моментите што ги делите се многу поважни од совршената фотографија.
Не се споредувајте со другите
Секој има свој пат и свое темпо. Новата година не е натпревар, туку нов почеток според ваши правила.
Не си поставувајте нереални ветувања
Наместо долги списоци со невозможни цели, одберете една или две реални желби. Тие имаат многу поголема шанса да станат навистина дел од вашата година.
На крајот, најважно е новата година да ја пречекате со мир, благодарност и искрена насмевка. Тоа е најдобриот рецепт за добра година
