Како Фидел Кастро на времето: Зеленски три часа даваше интервју, го спомена и Путин и војната

Украинскиот претседател Володимир Зеленски во тричасовното интервју изјави дека безбедносните гаранции за Киев за ставање крај на руската војна ќе бидат ефективни само доколку ги обезбедат Соединетите држави. Зеленски изрази надеж дека ќе се сретне и со новоизбраниот американски претседател Доналд Трамп веднаш по неговата инаугурација.

Во интервју за американскиот подкастер Лекс Фридман, Зеленски го пофали идниот американски претседател, кој вети дека ќе ја заврши војната брзо, без да објасни како, но велејќи дека Украинците сметаат на него да ја принуди Москва да се согласи на траен мир.