Македонски
Американските претставници подготвуваат нови економски санкции против Русија во областите на банкарството и енергетиката, со цел да го зголемат притисокот врз Москва да ги прифати напорите на американскиот претседател Доналд Трамп за прекин на војната во Украина, изјавија тројца неименувани американски претставници запознаени со тоа прашање за американски медиуми.
Санкциите се насочени кон рускиот државен енергетски гигант „Гаспром“ и големи субјекти во секторите за природни ресурси и банкарство, информира функционер на администрацијата на Трамп кој побарал анонимност.
Не е сосема јасно дали Трамп ќе го одобри тој пакет санкции со оглед на неговиот почетен позитивен став за изјавите и постапките на официјална Москва, додаваат американски медиуми.
