Проектот „Скопје – Европска престолнина на културата 2028“ е клучен културен потфат за државата и за главниот град, вели Љутков

Проектот „Скопје – Европска престолнина на културата 2028“, според Љутков, е клучен културен потфат за државата и за главниот град.

Тоа не е само титула туку и долгорочна визија што ја става културата во центарот на развојот и го позиционира Скопје како современа европска метропола. Потврдата на европската поддршка во Брисел, на 20 ноември, ја стабилизираше целата постапка и го насочи процесот кон транспарентно и професионално функционирање. ЕПК е историска можност за Скопје да се позиционира на европската културна мапа, со јасни стандарди, силна програмска содржина и значајни културни и инфраструктурни инвестиции – истакна Љутков.