„Објектот како парадигма: Објектологијата во кинематографијата и еклесиологијата“

Во четврток, на 12 декември, во 18 часот во галеријата „Метаноја“ ќе се одржи претставувањето на книгата „Филмска Објектологија“ од авторот Васил Михаил.

Во интеракција со авторот за книгата ќе зборува д-р Коста Милков. Тој на темата обработена во книгата ќе гледа низ теолошка перспектива фокусирајќи се на сакралните објекти во црковниот простор.

„Филмската објектологија“, како што ја дефинира авторот Васил Михаил, е теорија која се фокусира на улогата на објектите во филмскиот уметнички израз. Објектите во кадарот стануваат визуелни носители на наративот трансформирани од секојдневни предмети во значења, пораки, приказни. Книгата „Филмска објектологија“ предлага нова перспектива за тоа како гледаме на објектите и нивната интеракција со луѓето.

Целта на ова предавање е да се прикаже како објектите во различни контексти можат да пренесат значајни емотивни и метафизички пораки, од филмскиот кадар до духовниот простор на храмот.