Курти не се појави на сведочењето во Специјалното обвинителство на Косово

Косовскиот премиер Албин Курти денеска не се појави во Специјалното обвинителство каде требаше да сведочи за кривичното дело, јавуваат косовските медиуми.

Курти утрово беше повикан во обвинителството да даде исказ во врска со кривичната, која не е позната на јавноста.

Портпаролот на Специјалното обвинителство, Лиридона Козмаќи, изјави дека од кабинетот на премиерот ги известиле дека Курти патува во странство и не може да дојде во Обвинителството.

Козмаќи за медиумите изјави дека Обвинителството согласно законот ќе подготви уште една покана за Курти.

Косовските медиуми јавуваат дека Курти е повикан како сведок во случајот со злоупотреба на стоковите резерви.