Македонски
Капитенот на српската кошаркарска репрезентација, Богдан Богдановиќ, ќе го пропушти остатокот од Европското првенство поради руптура на тетивата и се враќа во САД на рехабилитација, објави попладнево Кошаркарската федерација на Србија.
Богдановиќ се повреди на натпреварот против Португалија во второто коло од групната фаза.
Во договор со неговиот клуб, Лос Анџелес Клиперс, тој се враќа во САД за да се подготви за новата НБА сезона.
Стефан Јовиќ ќе ја носи капитенската лента на местото на Богдановиќ, додека Србија ќе го игра следниот натпревар од групата в понеделник во 20:15 часот по средноевропско време против Турција. Србија досега има три победи во воведните три натпревари во Рига.
