Македонски
Немања Гудељ ќе остане без договор во Севиља на крајот од оваа сезона. Тимот од Андалузија нема намера да му понуди нов договор на искусниот фудбалер, па 34-годишникот ќе мора да бара нов клуб.
Црвена звезда веќе одлучи да реагира. Генералниот директор Звездан Терзиќ веќе започна преговори со овој играч од средниот ред и му претстави проект за во иднина.
Гудељ би донел многу искуство во тимот во борбата за место во Лигата на шампионите. Сепак, навивачите на црвено-белите не се многу воодушевени од фактот дека се преговара со него. Причината е што Гудељ е зет на пејачката Цеца Ражнатовиќ и оти сето ова би се претворило во медиумски циркус.
