На „Мек Стими“ му е дијагностицирана тешка неизлечлива болест

screenshot

Актерот Ерик Дејн, најпознат по улогите во сериите „Вовед анатомија“ и „Еуфорија“, откри дека му е дијагностицирана амиотрофична латерална склероза (АЛС), ретка и моментално неизлечива невродегенеративна болест која постепено влијае на нервниот систем и предизвикува мускулна парализа.

Благодарен сум што го имам моето љубезно семејство покрај мене додека го започнуваме ова ново поглавје заедно, изјави 52-годишниот актер за магазинот People.

Симптоми на болеста

АЛС е болест на нервниот систем која влијае на нервните клетки во мозокот и ‘рбетниот мозок. Во раните фази на АЛС, симптомите се главно незабележливи и често се занемаруваат, а главно вклучуваат несмасност и слабост во рацете, слабост во нозете, устата или грлото, грчеви во мускулите, губење на тежината и изразено чувство на замор. Како што болеста напредува, се јавува сериозно физичко влошување, вклучувајќи губење на моторните вештини, парализа и тешкотии со основните функции како што е дишењето.

Најчеста причина за смрт кај луѓето со АЛС е респираторната инсуфициенција. Половина од заболените умираат во рок од 14 до 18 месеци по дијагнозата. Сепак, некои со АЛС живеат 10 години или подолго, велат од Клиниката Мајо.