
Хрватскиот филм „Хотел Пула“ во режија на Андреј Коровљев ќе биде прикажан вечерва во 20 часот во киното „Киноверзум“ при Домот на културата „Билјана Беличанец“ во скопската населба Кисела Вода. Проекцијата е во рамките на ревијата што меѓународниот фестивал „Киненова“ ја организира со цел да се помогне на семејствата на настраданите во Кочани. Сите приходи од продадените влезници ќе бидат наменети за оваа помош.
„Хотел Пула“ е драмски филм на сценаристот Иван Турковиќ Младеновиќ. Филмот настана според романот „Пула“ на авторот Владимир Стојсављевиќ. Светската премиера на филмот беше во 2023 година на Филмскиот фестивал во Пула.
Улогите ги толкуваат: Ермин Браво, Ника Грбеља и др.