14-годишник возел мопед во спротивна насока, се обидел и да избега од полицијата

Малолетник возел мопед во спротивна насока без дозвола во Велес и бегал од полициска патрола, соопшти денеска МВР.

На 01.09.2026 во 10:00 часот на улица „11 Октомври“ во Велес, полициски службеници од СВР Велес забележале мопед кој се движи во спротивна насока, а возачот кога ги забележал полициските службеници го паркирал мопедот и побегнал. По преземени мерки и извршени проверки било констатирано дека мопедот го управувал 14-годишен малолетник од Велес, соопштија од полицијата.

Со малолетникот бил извршен службен разговор во присуство на родител и претставник од Центар за социјални работи Велес.

Мопедот бил одземен и по документирање на настанот ќе биде поднесен соодветен поднесок.