Путин ја одржа годишната прес-конференција, а на ѕидот зад него има мапа на Русија со Крим, Луганск, Запорожје и Херсон

Рускиот претседател Владимир Путин ја држи годишната прес-конференција, која ја организира повеќе од 20 години.

За време на денешната конференција тој одговара на прашања од руски граѓани, некои однапред избрани, а некои во живо. Темите се од економијата и социјалната политика до војната на Русија во Украина и односите со Западот.

На ѕидот зад Путин има мапа на Русија на која се гледа дека во границите на земјата не е само Крим, туку и четири региони што се припоија кон Русија во 2022 година – Доњецк, Луганск, Запорожје и Херсон.

Руските сили сè уште не ги контролираат тие територии во целост. Нивното нагласување во позадината на денешното обраќање е јасен сигнал од Кремљ дека Москва нема намера да се откаже од тие територии.