Ново правило за летовите до Турција, казна за оние кои прерано ќе ги откопчаат безбедносните појаси

Патниците што летаат за Турција кои ќе ги откопчаат безбедносните појаси и ќе излезат од седиштето пред слетувањето, сега се соочуваат со казни според новата регулатива издадена од Турската управа за цивилно воздухопловство.

Новиот закон, кој стапи на сила на почетокот на мај, е обид да се влијае врз безбедноста, бидејќи е откриено дека голем број патници ги откопчуваат безбедносните појаси, стануваат и ги отвораат куферите пред авионот да застане.

Генералниот директорат на Турската управа за цивилно воздухопловство вели дека добиле поплаки дека луѓето го кршат ова правило и при инспекциите потврдиле дека многу патници не се придржуваат.

Самата регулатива не ја наведува висината на казната, но турската телевизија Халк ТВ објави дека таа е 2.603 ​​лири или 60 евра.

Според новиот турски закон, казна може да се издаде и ако патниците брзаат кон излезот откако знакот за безбедносниот појас е исклучен, иако патниците во редовите пред нив сè уште не се подготвени. Авиокомпаниите кои не ги исполнуваат овие барања може да се соочат и со административни казни.

Туркиш ерлајнс веќе ги испрати релевантните информации до своите стјуардеси, објавија турските медиуми.