Македонски
X / KHAMENEI.IR | فارسی
Консензус за наследник на убиениот ирански врховен лидер ајатолах Али Хамнеи речиси е постигнат, изјави денеска член на Собранието на експерти ајатолахот Мохамедмехди Мирбакери, пренесе иранската новинска агенција Мехр.
Тој наведе дека сè уште треба да се решат „некои пречки“ поврзани со процесот на избор на нов врховен лидер.
Иранските медиуми јавија дека телото задолжено за именување на новиот врховен лидер имало одредени несогласувања околу тоа дали конечната одлука мора да биде донесена по состанок во живо или може да се донесе без таа формалност.
Собранието на експерти е институцијата што има уставна надлежност да избере нов врховен лидер на Иран.
