Македонски
Првиот заменик на претседателот на Владата и министер за животна средина и просторно планирање, а воедно и кандидат за градоначалник на Општина Чаир, Изет Меџити, оствари продуктивна средба со спортистите и спортските работници од општина Чаир.
Како што се вели во соопштението од неговиот кабинет, во салата каде имаше над 130 присутни спортисти, Меџити, за време на дискусијата за предизвиците и можностите за понатамошен развој на спортскиот живот во општината и институционалната посветеност кон младите, изјави дека спортот и понатаму останува пасошот на Чаир во светот.
Чаир е место каде што се раѓаат шампиони, олимписки, светски и европски шампиони. Спортот е нашиот пасош во светот – нашата заедничка гордост“, потенцираше Меџити во своето обраќање.
Тој додаде дека вложувањето во подобри услови за спорт претставува вложување во иднината на Чаир.
Чаир нема да биде само универзитетски, културен и образовен центар, туку и модерен спортски центар – каков што заслужува да биде“, истакна Меџити.
Тој ги презентираше капитални проекти што ќе се реализираат во неговиот иден мандат:
• Изградба на мултифункционална спортска сала „Чаир“ со капацитет од 3.000 седишта и стандарди за организирање меѓународни натпревари;
• Реконструкција на спортската сала „Партизан“, која повторно ќе заживее за спортските клубови и младите спортисти;
• Изградба на три нови мултифункционални игралишта во населбите Стара
Топаана, Саат Кула и Гази Баба.
„Ова не се само инфраструктурни проекти, туку директни инвестиции во соништата на нашите деца, во клубовите кои достојно нè претставувале, и во гордоста на секој жител на Чаир,“ изјави Меџити.
Средбата ја заврши со пораката дека спортот не е само игра, туку силна алатка преку која Чаир му покажува на светот кој е и што претставува, нагласувајќи ја својата постојана поддршка за спортистите и спортските клубови од Чаир.
Првиот вицепремиер и кандидат на Вреди за градоначалник на Општина Чаир, реагираше на изјавите на кандидатот на ДУИ кој кажал дека „Вреди еден ден пред избори ќе ги купи гласовите во Чаир“.
Меџити, во изјава за медиумите за време на средбата со спортистите од Општина Чаир, истакна дека со овој навредлив речник, Османи не само што ги потценува граѓаните на Чаир, туку и самиот се демаскира, признавајќи дека тој и партијата ја градела власта врз купување и злоупотреба на гласови.
Што значи тоа? Дека тој ги купувал гласовите за ДУИ? Смешно и неразбирливо е како еден поранешен министер не е благодарен кон гласачите на Чаир, кои со години му ја дале довербата“, изјави Меџити.
Тој додаде дека гласачот на Чаир е мудар и достоинствен, не се купува ниту се продава, и овојпат, на 19 октомври, ќе ја казни ароганцијата и потценувањето.
Прашан од новинарите за случаите на корупција на неговиот противкандидат, Меџити потсети на случајот „Пацинет“ кој беше истражуван од СЈО поддржана од меѓународната заедница, како и на злоупотребите утврдени од Државниот завод за ревизија во врска со организацијата на Самитот на ОБСЕ.
СЈО, формирана од меѓународната заедница во соработка со домашните институции, го обработи и случајот ‘Пациент’, кој се однесува на болницата во Чаир и на други болници. Исто така, Државниот завод за ревизија, како независна институција, утврди неправилности и злоупотреби, како во случајот со организацијата на Самитот на ОБСЕ. Во такви случаи, Обвинителството е обврзано да постапи“, истакна Меџити одговарајќи на прашањето на новинарите.
