Македонски
Во изминатите години се правеле експерименти во образованието, од немање учебници до концепти каде што ја нема историјата, како и незадоволни наставници, професори, деца и родители. Владата на ВМРО-ДПМНЕ и Коалицијата заедно со Министерството за образование ги поставијатемелите за изградба на еден силен национален систем.
Ова го истакна претседателката на Комисијата за образование и наука на ВМРО-ДПМНЕ и министерка за образование и наука, Весна Јаневска во Кичево на трибина насловена „Образование и социјална политика, ги градиме темелите на промените“.
Не само што немаше учебници, ние снемавме и деца, тоа е резултатот на седумгодишното владеење на претходната власт. Владата на ВМРО-ДПМНЕ и коалицијата заедно со Министерството за образование, ги поставија темелите за изградба на еден силен, модерен, национален систем, ефикасен, конкурентен со другите држави, кој би бил на задоволство на сите чинители, сите фактори кои се вклучени во тој систем, а со една единствена цел, стекнување на поголемо знаење, ефикасност и максимална инклузивност, нагласи министерката Јаневска.
Таа информираше дека во образовниот систем вратени се националните предмети историја и географија, иако минатата власт се обидувала да ги избрише, односно да ги интегрира во некаков замислен систем.
Со оваа цел тргнавме речиси од ништо, со огромни долгови. Затекнавме 5 милијарди долг, немаше учебници, се помалку ученици. Она што прво го направиме, а тоа е делувавме политички, ја вративме историјата и географијата како национален предмет во образовниот систем кои се обидоа со гумичка да ги избришат, всушност да ги интегрираат во некаков замислен систем. Испечативме учебници и за прв пат годинава ќе имаме после 7 години учебници за странски јазици, и учебници по секој предмет што нашите деца, наставници и родители секако ги заслужуваат, потенцира Јаневска.
Таа истакна дека бил направен голем и крупен чекор со којшто ја вратиле довербата во институцијата Министерство за образование и наука, но секако и во Владата, бидејќи претходната власт оставила хаос и разурнати институции.
Дадовме порака на главната алка во тој систем, а тоа се наставниците со подигање на платата во период од шест месеци за повеќе од 12%, но поважното е што ние веднаш по доаѓањето на власт потпишавме четиригодишен договор за постојано покачување на платата на наставниците. Следните четири години секоја година ќе има покачување на платата на наставниците. И секако некаде повеќе од 14% на наставниците во високото образование, порача Јаневска.
