Vienna Strauss Philharmonie Orchestra на 26 феврурари за прв пат во својата историја ќе настапи во Скопје

Vienna Strauss Philharmonie Orchestra на 26 февруари ќе настапи во НУ ДРАМСКИ ТЕАТАР – Скопје со почеток во 20 часот. За прв пат во својата историја, Vienna Strauss Philharmonie Orchestra ќе настапи во СКОПЈЕ.

Оркестарот е составен од 27 музичари од целиот свет, внимателно избрани од меѓународно жири специјално за оваа турнеја.

Ансамблот го диригира Андраш Деак, кој соработувал со реномирани групи како што се Wiener Mozart Orchester, Vienna Strauss Philharmonic, Calgary Philharmonic, Vancouver Opera, Chicago Civic Opera и Budapest Strauss Orchestra.

Вечерната програма содржи дела од Волфганг Амадеус Моцарт, Јоханес Брамс, Јозеф Хајдн, Антонин Дворжак, Џоакино Росини и, секако, династијата Штраус.

Не ја пропуштајте оваа единствена можност да го доживеете автентичниот виенски дух и музика што со векови ја инспирира публиката ширум светот.