Над четири килограми дрога пронајдени кај дилер во Драчево

Вчеравечер во 21.35 од страна на полициски службеници од Единицата за интервентна полиција и Единицата за недозволена трговија при СВР Скопје, по претходно добиена судска наредба од Основен кривичен суд Скопје, бил извршен претрес во домот на Д.А.(27) од Скопје, на подрачјето на Драчево.

При претресот пронајдени се над четири килограми марихуана, 18 пакувања со прашкаста материја (амфетамин) и бела грутчеста материја. Д.А. е лишен од слобода и против него ќе биде поднесена кривична пријава по член 215 од КЗ по брза постапка, соопшти МВР.