Македонски
Mинистерството за транспорт ја објави листата на правни лица за кои се води постапка за одземање на лиценцата во делот на градежното работење и урбанистичкото планирање. Како што информираа оттаму, во тек е обемна контрола на издадените лиценци, а во постапка на одземање се 479.
Од досегашните контроли на над 3 100 лиценци се констатира дека кај 479, по нивното издавање, правните лица престанале да ги исполнуваат законските услови врз основа на кои ги добиле лиценците и поради тоа се ќе се донесат решенија за нивно одземање. Ќе им се одземе на 73 правни лица лиценца А за изведувач на градби од прва категорија, на 228 правни лица лиценца Б за изведувач на градби од втора категорија, на 9 правни лица лиценца А за надзор над изградбата на градби од прва категорија, на 32 правни лица лиценца Б за надзор над изградбата на градби од втора категорија, на 32 правни лица лиценца А за проектирање на градби од прва категорија, на 78 правни лица лиценца Б за проектирање на градби од втора категорија, на 7 правни лица лиценца Б за ревизија на проектна документација на градби од втора категорија, на 3 правни лица лиценца А ревизија на проектна документација на градби од прва категорија, на 2 правни лица лиценца за управител за одржување на објекти од прва и втора категорија, на 2 правни лица лиценца управител на градба, како и на 13 правни лица лиценца за изработка на урбанистички планови, наведува Министерството.
Целокупниот список ќе биде доставен до Министерството за внатрешни работи, Јавното обвинителство, ЗЕЛС и сите останати засегнати институции за понатамошни постапки.
Министерството најавува дека во следниот период ќе продолжи со контролите на издадени дозволи и лиценци согласно своите надлежности за да го осигура почитувањето на законските прописи и правниот поредок во државата, како и за да се овозможи рамноправност за сите правни лица.
Целосната листа на правните лица може да се види ТУКА
