Македонски
Унгарската петрохемиска компанија МОЛ ќе ги интензивира пратките кон Србија по започнувањето на американските рестрикции кон Нафтената индустрија на Србија (НИС), изјави денес унгарскиот министер за надворешни работи, Петер Сијарто.
„Бидејќи МОЛ има важна улога во обезбедувањето на сурова нафта и гориво за Србија, нашите српски партнери можат да сметаат на зголемена понуда од МОЛ“, објави Сијарто на Фејсбук.
Тој напомена дека оваа експанзија нема целосно да го надомести дефицитот на достава од Хрватска.
Претседателот на Србија, Александар Вучиќ, вчера соопшти дека реалната проценка е оти рафинеријата може да функционира без дополнително надополнување со нафта до 1 ноември, и додаде дека, кога станува збор за горивото, нема да има потешкотии до Нова Година.
