Хаверц трет фудбалер кој постигнал гол во финале на Лигата на шампионите за два различни тима

Instagram/kaihavertz29

Напаѓачот на Арсенал, Каи Хаверц, го отвори резултатот во финалето на Лигата на шампионите 2025/26 против ПСЖ.

Дваесет и шестгодишниот фудбалер постигна гол во шестата минута од натпреварот.

Според „Опта Спортс“, Хаверц стана третиот играч по Кристијано Роналдо и Марио Манџукиќ кој постигнал гол во финале на Лигата на шампионите за два различни тима. Во решавачкиот натпревар сезоната 2020/21 година во Порто, Германецот го постигна единствениот гол за Челзи против Манчестер сити во 42. минута.

Роналдо постигна гол во финалињата на Лигата на шампионите за Манчестер јунајтед и Реал Мадрид, додека Манџукиќ постигнал гол за Јувентус и Баерн Минхен.

Натпреварот ПСЖ – Арсенал се игра во Будимпешта, Унгарија, на „Пушкаш Арената“.