Македонски
Во домот на Лепа Брена вечерва ќе се слави Архангел Михаил. Подготовките се почнати уште пред неколку дена. Трпезата ќе биде традиционална според она што може да се забележи на фотографиите кои се вртат на социјалните мрежи.
Сарма, колбаси, домашен леб, чварки…
Организацијата ја презеде помалиот син на Брена и Боба, Виктор кој се покажа и како доста умешен во кујната. Со голема посветеност ја подготвува богатата трпеза, а според видеата кои ги сподели на социјалните мрежи, ужива во секој момент од готвењето. Во дворот веќе е поставен котелот во кој главното славско јадење се подготвува со часови, на тивок оган и со многу зачини, токму како што налага традицијата.
Виктор ништо не препушта на случајност: околу себе собира искусни професионалци за да биде сигурен дека славската гозба ќе биде оригинална, и достојна на долгодишната традиција на семејството Живоиновиќ.
Како и секоја година, ќе ги дочекаат своите најблиски пријатели и гости, со добро вино и богата трпеза. На социјалните мрежи следуваат бројни пофалби за Виктор, а еден од коментарите гласи:
„Мајка ти сигурно е горда! Браво, Викторе, вистински домаќин си.“
