Мицкоски: Работиме силно на економскиот раст, резултатите се добри

За проекциите за економскиот раст и со Министерството за финансии сме на истиот став, на она кое е предвидено. Работиме силно на таа тема и добри се резултатите во рамки на Адриа регионот, конечно после години стагнација и цврсто заковани на дното сега сме први, истакна премиерот Христијан Мицкоски одговарајќи на новинарско прашање по денешниот состанок во УЈП.

За многу кратко време се консолидираат работите. Зад нас се Хрватска со 2,9, БиХ, Црна Гора, па се до Словенија која има минусно салдо од 0,7 проценти. Се надевам дека и во вториот квартал така ќе продолжи, барем според првите индикатори од април и делумно од мај се во таа насока. Тоа би претставувало еден добар тренд и тоа значи дека конечно се консолидираме – вели Мицкоски.