Македонски
Ако комисијата одлучи, јас сум подготвена повторно да му дадам живот, исто како пред 25 години, вели Гордана Лолеска, мајка на Давид кој боледува од Алпортов синдром.
Лолеска е претседателката на Здружението „Ретко е да си редок“, кое веќе осум години ја организира националната кампања „Ги запознаваме ретките болести“. Нејзниот син двид боледува од Алпортов синдром и таа несебично се вложува во подигнување на свеста за ретките болести во Македонија.
Како мајка, најтешко е да го гледаш своето дете како чека – чека орган, чека вработување, чека систем што треба да го заштити, а наместо тоа му нуди само одбивања. Тој е млад детектив кој веќе ги препознава неправдите на сопствената кожа, разочаран од секое „не“ за кадаверична трансплантација изминативе година и пол. Но, додека системот спие, мајката не мирува, вели Лолеска.
Денеска на Давид му е роденден, полни 25 години. Четврт век живот, соништа и надежи собрани
во еден млад човек, дипломиран детектив по криминалистика. Но, наместо да славиме со безгрижност, ние славиме со надеж која се мери во литри поминати на дијализа од декември 2024, вели Лолеска.
За неговиот 25-ти роденден, мојот најголем завет е мојата крв и мојот орган.
На 08.04 ги завршувам последните испитувања. Ако комисијата одлучи, јас сум подготвена повторно да му дадам живот, исто како пред 25 години. Тоа е мојата последна истрага во борбата за неговата иднина. Твојата храброст е моја инспирација, а мојата најголема желба е да те гледам како чекориш низ животот со полна сила. вели Лолеска.
