Македонски
Кога станува збор за губење на тежина, повеќето луѓе прво помислуваат на диети, ограничувања и строги правила. Таквиот пристап често вклучува гладување, елиминирање на омилената храна и постојана борба сами со себе. Резултатите често се краткотрајни, а килограмите што ги губите брзо се враќаат.
Сепак, губењето на тежина не мора да биде исцрпувачко или да се базира на строги диети. Со мали, но конзистентни промени во вашата исхрана, можно е да се постигнат резултати без да се жртвувате или да се чувствувате лишени од храна. Подолу се дадени неколку едноставни совети што можат да ви помогнат да ослабете на здрав начин и без да гладувате.
Изберете овошје и зеленчук со висока содржина на вода
Храна како домати, лубеница, диња, киви и грозје содржат висок процент на вода. Тие можат да ја задоволат вашата глад за благо, а исто така да придонесат за чувство на ситост бидејќи го полнат вашиот стомак и ви помагаат да консумирате помалку калории во текот на денот.
Јадете свежо наместо преработено овошје
Свежото овошје е подобар избор од преработеното овошје, како што е конзервирано овошје, кое често содржи додаден шеќер. Плус, свежата храна има повеќе влакна, што ви помага да се чувствувате сити подолго време.
Зголемете го внесот на влакна
Влакната се важен сојузник во процесот на слабеење. Најлесниот начин да внесете повеќе од нив е да ја зголемите количината на овошје, зеленчук и интегрална храна во вашата дневна исхрана.
Јадете свесно и внимателно
Не јадете само за да се наситите. Размислете за вашиот избор на храна и однапред планирајте ги оброците. Избегнувајте импулсивно посегнување по храна без вистинска потреба.
Ограничете го внесот на слатки
Не мора целосно да се откажете од слатките, но важно е да ја контролирате количината. Ако копнеете по чоколадо или колачиња, држете се до мала порција наместо да јадете повеќе отколку што сте планирале. И наместо обично чоколадо, одберете црно со висок процент на какао и без додаден шеќер (може стевија како засладувач).
Јадете приближно во исто време
Редовните оброци помагаат во контролата на гладот. Обидете се да јадете во слично време секој ден и не чекајте додека не почувствувате глад до исцрпување, бидејќи така поголема е веројатноста да се прејадете.
Ограничете ги грицките помеѓу оброците
Ако сте одлучиле да јадете три оброци на ден, обидете се да се држите до тој распоред. Ако ви треба грицкање, изберете лесни и хранливи опции како јаткасти плодови или пуканки, но никако чипсови и соленки.
Зеленчукот е најдобра ужина
Кога чувствувате глад помеѓу оброците, посегнете по свеж зеленчук, како моркови. Ќе ве заситат, а воедно ќе обезбедат минимални калории и многу корисни хранливи материи.
Газирани и засладени пијалаци
Тие се најлошата можна опција која од старт го убива вашиот напор да ослабете. Заменете ги со природен цеден сок и чаеви. Од време на време може да се почастите со чаша газиран сок, но тоа никако не смее да ви биде секојдневна навика.
Губењето тежина не мора да значи диети и лишување. Клучот е умереност, свесни избори и доследност. Малите промени во вашите дневни навики, ако се следат долгорочно, можат да донесат трајни резултати.
