Македонски
Freepik
Подгответе француска салата за вашите гости. Се подготвува брзо и едноставно
Состојки:
450 г замрзната мешавина зеленчук за француска или руска салата
50 г кисели краставички
90 г мајонез
1 лажиче сенф
100 мл грчки јогурт
сол, бибер
Приготвување:
- Ставете ја замрзнатата мешавина зеленчук во посолена зовриена вода и варете го 10 минути. Кога ќе се свари, исцедете го зеленчукот и оставете го да се олади.
- Измешајте го мајонезот со сенф, грчки јогурт, посолете и забиберете, па додајте го зеленчукот. Потоа, додајте исечкани кисели краставички на коцки и измешајте го сето тоа заедно.
- Ставете ја салатата да се олади и послужете ја како прилог со печено месо.
- Совет: По желба можете да додадете лажиче свеж исечкан магдонос или само украсете ја со него.
