Музичка манифестација „Љубов и вино“ во Центарот за култура „Марко Цепенков“

На 14 февруари, впеток во 18 часот во фоајето од Центарот за култура „Марко Цепенков“ ќе се одржи поетско музичката манифестација „Љубов и вино“, а ја реализираат ЦК „Марко Цепенков“ и Клубот на литературни творци Прилеп.

Манифестацијата стана традиција. Поетско музичката вечер е посветена на љубовта и виното, што стана веќе традиција. Ќе думаме за љубовта, за првите бакнежи, за виното и ќе го празнуваме св. Трифун и св. Валентајн – Денот на вљубените – вели Андријана Ристеска, претседател на Клубот на литературни творци – Прилеп.

На манифестацијата со љубовна поезија ќе се претстават 25 поети од Клубот, а лирски музички звуци ќе презентираат ученици од ОМУ „Ордан Михајлоски – Оцка“.