Македонски
Facebook/Friedrich Merz
Дали е пронајдено решение за одржување на втор круг гласање во Бундестагот за избор на Фридрих Мерц за канцелар? Според „Билд“, денеска ќе има ново повторено гласање. Процесот би требало да започне во 15:15 часот.
Во меѓувреме, внатрешните процедури на партиите се во тек и имаше индикации и од парламентарната група на ЦДУ/ЦСУ, од АфД и од Левицата дека вториот круг конечно ќе се одржи денес.
За повторното спроведување на процесот е потребна согласност од 2/3 од парламентарните партии, а првично Алтернатива за Германија (AфД) го отфрли предлогот за ново гласање вечерва, претпочитајќи ја опцијата за утрешна пленарна седница. Сепак, пред кратко време беше објавено дека би можеле да се согласат на ново гласање уште вечерва.
