Македонски
Планината Етна е во нов период на вулканска активност, бидејќи во последните часови е забележан нов проток на лава во Вале дел Бове, пренесува Анса.
Како што објави Италијанскиот институт за геофизика и вулканологија, активноста започнала попладнето на 1 јануари 2026 година, кога отвор на надморска височина од приближно 2.000 до 2.100 метри почнал да испушта лава.
Текот постепено се движеше кон долните делови на долината, достигнувајќи близу 1.500 метри надморска височина, следејќи ја природната патека на Вале дел Бове, која делува како природна „брана“ и го ограничува ширењето на феноменот.
Видеата што циркулираат на социјалните мрежи, вклучувајќи ги и снимките од Емилио Месина, го снимаат бавниот, но стабилен напредок на лавата во природниот басен, без да отстапуваат од неговите граници.
Надлежните служби уверуваат дека, засега, не се загрозени населени подрачја , додека научните тимови внимателно го следат развојот на активноста. Досега не се пријавени штети или проблеми во инфраструктурата.
Етна, најактивниот вулкан во Европа, често покажува слични феномени, а локалните власти се во постојана готовност и информираат за секој нов развој на настаните.
