Македонски
Спогодбата меѓу САД и Русија за забрана на напади врз инфраструктурата која ѝ доставува енергија на Унгарија е во согласност со националните интереси на земјата, бидејќи го намалува ризикот за нејзината енергетска сигурност, изјави унгарскиот министер за надворешни работи Петер Сијарто во Москва, пренесе унгарската агенција МТИ.
Најважното прашање за Унгарија сега е кога ќе заврши војната во Украина и кога Централна Европа ќе добие мир, изјави Сијарто по средбите со руските вицепремиери Александар Новак и Денис Мантуров, советникот на Кремљ Јуриј Ушаков и министерот за спорт Михаил Дегтјарев.
Сијарто нагласи дека Унгарија увезува и нафта и гас од Русија, а неодамнешните напади на Украина врз енергетската инфраструктура ја прекинаа испораката на нафта.
Енергетската безбедност на Унгарија не би била возможна без руската енергија – заклучи Сијарто.
