Шведскиот премиер разговара со Зеленски за испорака шведски воени авиони „Грипен“

andreas-glockner-from-pixabay

Шведскиот премиер Улф Кристерсон изјави дека разговарал со украинскиот претседател Володимир Зеленски за идната соработка во воздушната одбрана и за шведските воени авиони „Грипен“, за кои е заинтересирана Украина.

Разговаравме за континуирана соработка за развојот на идната одбрана на Украина, вклучително и воздушната одбрана, и интересот на Украина за ловците ’Грипен’ “, рече Кристерсон на социјалната мрежа X, пренесуваат британските медиуми.

Во Шведска претходно имаше политичка расправа за тоа дали да се испратат авиони „Грипен“ во Украина, при што таа можност не беше исклучена.