Илон Маск ќе се повлече од челното место во ДОГЕ

Freepik

Илон Маск наскоро ќе се повлече од позицијата на шеф на Одделот за ефикасност на владата на САД (ДОГЕ). Ова го брифираат извори блиски на американскиот претседател Доналд Трамп.

Американскиот портал Политико пренесува дека оваа одлука е резултат на договор помеѓу Трамп и Маск. Според договорот милијардерот ќе се врати на своите приватни бизниси.

ДОГЕ е основана за да ја намали администрацијата и да ги елиминира неефикасните владини агенции. Таа ќе продолжи со својата работа по заминувањето на Маск, иако официјални потврди од Белата куќа или од Маск не се дадени.

Оваа одлука одговара на претходните најави за Маск да се фокусира повеќе на своите компании и иновации, иако неговото влијание на владините реформи во САД беше значително во периодот на неговото водство.

Извор: Миа